↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ორწყალში

კალანდაძე ანა

2013-05-121 წთ საკითხავი9510 ნახვა

—
მადლიანი ხარ, ბუერავ,
მთას მჯდარო ფეხებმორთხმითა,
მთის წყალი დამალევინე
შენი ლამაზი ფოთლითა,
მერე შხეფებად მაპკურე
გადმოვარდნილი შფოთითა;
გზას მიიკვლევდა, ჩქარობდა,
ასე მბრდღვინავი ოდითა...
მადლიანი ხარ, ბუერავ,
მთას მადლად გულზე ეფინე...
შენ თუ მოუხმე იმ ვაჟას,
მის თვალებს მაყურებინე?
რისთვის მასმევდი მთის წყალსა
შენი ლამაზი ფოთლითა?
მითხარი, ამ წყაროსავით
სად გადავვარდე შფოთითა?
მომდევენ მისი თვალები
ორწყლით, არაგვით ორთითა!
კალანდაძე ანა

კალანდაძე ანა: სხვა ნაწარმოებები

მსგავსი ნაწარმოებები

დესპანი