პოეზია · ლირიკა
ყრმობის სიზმრები
მტკვარგაღმა დაგრჩა ბავშვობის კერა,დედის ცრემლი და მამის ჭაღარა,აქ სხვა ჭადარმა მოგაპყრო მზერადა სხვა ფოთლები შემოგაყარა.შენი ბალღობის და სიყრმის მხარეახლა სხვაგვარი შუქით ნათდება,ცაზე თვალდათვალ იზრდება მთვარე,ყრმობის სიზმრებში მიემართება.მოულოდნელად იელვებს მტკვარი,როგორც იელვა მამის ჭაღარამ,გაღმა ანთია ცრემლი კვარივითდა ცრემლის შუქი ვინ მოგახალა?მოულოდნელად იელვებს მტკვარი,დედის ნაღველმა როგორც იელვა,როცა მიჰგვარე უცნობი ქალი,ვით სიყრმის ცოდვა და პატიება.