↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ბათუმი... ქეთი

სვანიძე ბაკურ

2012-11-121 წთ საკითხავი2366 ნახვა

—
ღამემ ოცნების დრო მომცა რიდით...მზერა კენჭივით ეგდო ნაპირზე...წვიმა ფანჯრებთან ცრიდა და ცრიდა...მატარებელი თვლიდა ნაბიჯებს....და საფეთქლებთან არაყი ხურდა –შანთავდა ცხელი კოცნის არშიებს...მე სიზმრის ცხადად დანახვა მსურდა –შენ მხოლოდ სიზმრით ტკბობა არჩიე....შენ იცი, რატომ არა ვარ მშვიდად,ანდა სიმშვიდე რისთვის მაგიჟებს...ღამე თვალებში სიბნელეს მჩრიდა –მატარებელი თვლიდა ნაბიჯებს....თეთრი ტუჩ-კბილი ჩემს მკლავზე დარჩა,ნაპირიც მარტომ დაიმარტოვე...მე ახლა მტკივა სხეული, სადაცძალით ჩაკლული ვნება დატოვე....არ თქვა, რომ შენთვის არაფრად ღირდა –ამ აცრემლებულ ღამეს გაფიცებ...იწვა რელსებზე შუქი და ბინდი...მატარებელი თვლიდა ნაბიჯებს....უაზრო თამაშს უაზროდ ვაგებ -მალე ჩაივლის ბოლო რონოდა...მინდოდა თრობით დახეთქილ ბაგესშენი ტუჩების გემოც ჰქონოდა....ზღვა ტალღებს ისევ ჰყრიდა და ჰყრიდა...მზერა კენჭივით ეგდო ნაპირზე...მე ჩემი თავი ნერვებზე მშლიდა...მატარებელი თვლიდა ნაბიჯებს...
1996

სვანიძე ბაკურ: სხვა ნაწარმოებები

მსგავსი ნაწარმოებები

დესპანი