პოეზია · ლირიკა
*** "რა უნდა მოხდეს"
რა უნდა მოხდეს რა უნდა იყოს,რომ დღევანდელი კაცის თვალებიგაოცდეს მართლა და არა თითქოს,ვინმეს ბრძანებით ან დავალებით.
და მაინც მტკივა სულიც და ხორციცშენი სულის და ხორცის ნაწილი,კვლავ გამოფიტულ ჩუქურთმებს ვკოცნი,კვლავ ფერდს მიძიძგნის მკვდარი არწივი.
მძიძგნის არწივი ეჭვის და შიშისგამოძიძგნილი მეწვის ფერდებიდა იმ არწივის საზარელ ჩრდილშივპატარავდები და ვძლიერდები.
და გარეგნულად კვლავ უშფოთველი,შენს ცრემლს ვიგროვებ დახეთქილ პეშვშიდა ვფეთქავ, როგორც ერთი ფოთოლი,ან ერთი ტოტი შენს მეჩხერ ტყეში.
და ვფეთქავ მაინც, მათოვს თუ მაწვიმს,თუ გაზაფხულის მზითა ვარ მთვრალიდა მორღვეული გალავნის გასწვრივმრჩება დამფრთხალი ნადირის კვალი.1963წ