↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

შეხვედრა

მარღია ელგუჯა

2022-01-181 წთ საკითხავი964 ნახვა

—
ზღვა მოდის ჩემთან…მე მას ვიხსენებ,
ზღვაო,ვარ ისე, არა მიშავს რა,
იქნებ დაწყნარდე და დაისვენო,
მეც გავყუჩდები, როგორც ნიჟარა.
მინდა, შენ სუნთქვას მივაყურადო,
შენი მზითა და ზეცით გავერთო,
რომ ერთმანეთი კვლავ მოვინატროთ
მოწყენილებმა უერთმანეთოთ.
შენთან ვარ უკვე, ზღვაო, ზღაპარო,
რომ ნაფოტივით მშვიდად მარწიო…
ჩემი წუხილი შემოგაპარო,
შენი ტკივილიც გავინაწილო.
ასე ცოდვილი და უხეირო
ჩემი ცხოვრება მაინც რა იყო…
შენ შეგიძლია, სუსტი სხეული
მკვდარი თევზივით სადმე გარიყო.
სადმე გარიყო…ჩემი ეჭვები
და ოცნებებიც ისე გაფანტო,
როგორც ნაპირზე ჭრელი კენჭები,
მიმობნეული უმისამართოთ.
ზღვა მოდის ჩემთან…მე მას ვიხსენებ,
ზღვაო,ვარ ისე,არა მიშავს რა,
იქნებ დაწყნარდე და დაისვენო,
მეც გავყუჩდები,როგორც ნიჟარა.

მარღია ელგუჯა: სხვა ნაწარმოებები

მსგავსი ნაწარმოებები

დესპანი