↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

აქ ხილულ ოცნებას

გალაკტიონ ტაბიძე 1891–1959

2026-07-181 წთ საკითხავი106502 ნახვა

—
აქ ხილულ ოცნებას
თან სდევენ ჯადონი,
თოლია ქორსა ცვლის,
არწივს - იადონი.
ორ საწყისს ინახავს
ახალი ათონი, -
აქ გული მონაა
და თანაც ბატონი.
აქ მუხა შრიალებს,
იქ ზეთისხილია,
თუ ზღვის და ზღვის პირის
მძაფრი ჭიდილია -
გზნებასთან მზის ჩასვლის
ჰყვავის იდილია, -
აქ გული მონაა
და თანაც ბატონი.
უწესო აყრუებს
უბადლო ზრდილობას.
ბუკის ხმა ზღვის პირას
თუ იწვევს ყრილობას,
მეომარს ჩონგური
უამებს ჭრილობას, -
აქ გული მონაა
და თანაც ბატონი.
ომსა ცვლის მშვიდობა
და ნგრევას - შენება,
სიტლანქეს სულისას
ცვლის სულის მშვენება,
წყალს - ღვინო, დღეს - ღამე,
სიცხადეს - ჩვენება, -
აქ გული მონაა
და თანაც ბატონი...
გალაკტიონ ტაბიძე

ავტორი

გალაკტიონ ტაბიძე 1891–1959

გალაკტიონ ტაბიძე (* 17 ნოემბერი, 1891, ვანის რაიონის სოფ. ჭყვიში ― † 17 მარტი, 1959, თბილისი), ქართველი პოეტი და საზოგადო მოღვაწე, საქართველოს სახალხო პოეტი (1933), საქართველოს მეცნიერებათა აკადემიის აკადემიკოსი (1944), XX საუკუნის ქართული პოეზიის ერთ-ერთი უდიდესი წარმომადგენელი, ლიტერატურული დაჯგუფების "ცისფერი ყანწები" ერთ-ერთი ლიდერი. პოეტის მამა -…

ყველა ნაწარმოები (1764) →

გალაკტიონ ტაბიძე: სხვა ნაწარმოებები

მსგავსი ნაწარმოებები

დესპანი