↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ბავშვი გზად ვლიდა

გალაკტიონ ტაბიძე 1891–1959

2026-07-181 წთ საკითხავი106501 ნახვა

—
ბავშვი გზად ვლიდა. ბალახი. ცვარი.
ხელით მიჰყავდა პატარა ცხვარი.
იმაზე კარგი აბა რა არი,
ხელით მიჰყავდა პატარა ცხვარი.
ილორის წმიდა გიორგის ჭროღა
თვალები, შუბლი... მკაცრი მიმოხვრა.
შესაწირავად მიჰქონდა ოხვრა,
და მიჰყვებოდა პატარა ცხვარი.
საბრალო ბავშვი თრთოდა, ვით შველი
თვალები ჰქონდა ცრემლებით სველი:
მას ჩვეულება ეს ძველისძველი
კლავდა, რომ მსხვერპლად მიჰყავდა ცხვარი.
ატეხდნენ სიცილს, მე კარგად ვიცი,
“ევრი”, “ტაიმსი” და “ნიცი-ნიცი”:
“ცხვარი, ვით ცხვარი და არა კვიცი -
რა მოხდა? მიჰყავთ პატარა ცხვარი!”
მაგრამ ეს ბავშვი, ტყის პირად მსვლელი,
თვალი რომ ჰქონდა ცრემლებით სველი,
მედგრად, გულმტკიცედ ურტყამდა ბერლინს
შემდეგში - გმირი და არა ცხვარი.
გალაკტიონ ტაბიძე

ავტორი

გალაკტიონ ტაბიძე 1891–1959

გალაკტიონ ტაბიძე (* 17 ნოემბერი, 1891, ვანის რაიონის სოფ. ჭყვიში ― † 17 მარტი, 1959, თბილისი), ქართველი პოეტი და საზოგადო მოღვაწე, საქართველოს სახალხო პოეტი (1933), საქართველოს მეცნიერებათა აკადემიის აკადემიკოსი (1944), XX საუკუნის ქართული პოეზიის ერთ-ერთი უდიდესი წარმომადგენელი, ლიტერატურული დაჯგუფების "ცისფერი ყანწები" ერთ-ერთი ლიდერი. პოეტის მამა -…

ყველა ნაწარმოები (1764) →

გალაკტიონ ტაბიძე: სხვა ნაწარმოებები

მსგავსი ნაწარმოებები

დესპანი