↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

უჩა

ჯანაშია ნათია

2026-07-181 წთ საკითხავი2024 ნახვა

—
უჩა მიდის ქუჩაში,
უჩა დიდი ბიჭია,
უჩასხელა ბიჭებმა
უკვე კარგად იციან,
რომ უსაფრთხოდ მგზავრობას
წესები აქვს თავისი,
უამრავი ნიშანი
მოიგონეს ამისთვის.
ყველა გადასასვლელთან,
როგორც დედამ ურჩია,
უჩა დინჯად ჩერდება,
უჩა განა ურჩია?
ელოდება გულდასმით, -
ამწვანდება კაცუნა,
უჩა მაშინ გადაჭრის
ქუჩას, როგორ? - კაცურად!
აი, ასე დიდია
უჩა, ასე ჭკვიანი,
ქუჩა უფრო დიდია
და მრავალნიშნიანი.
აქ წყვეტილი ხაზია,
იქ ირიბი ნიშანი,
ამ ნიშნების შესწავლა
მართებს, მძღოლი ვინც არი.
უჩა განა მძღოლია?
უჩა მხოლოდ მგზავრია,
ფეხითმოსიარულე
და ჭკვიანი ძალიან.

ჯანაშია ნათია: სხვა ნაწარმოებები

მსგავსი ნაწარმოებები

დესპანი