↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

* * * მსურს დაგიტოვო უნარი ხილვის

ჭილაძე ოთარ

2001-09-121 წთ საკითხავი40778 ნახვა

—
მსურს დაგიტოვო უნარი ხილვის,მარადიული წვის და დუღილის...ზამთარი _თავის თოვლით და ყინვით,ზაფხული_თავის ჭექა ქუხილით.
მსურს დაგიტოვო სხვათა ტკივილისდა სიხარულის განცდის უნარიც...სოფელი_სავსე მამლის ყივილით,ქალაქი_კედლებს შორის მბრუნავი.
კიდევ გიტოვებ ორ ლამაზ ყმაწვილს:დღესა და ღამეს_ძილსა და ღვიძილს_განთქმულს სიკეთით, სიწმინდით, ღვაწლით,როგორც ქურდობით, კვლითა და სიძვით.
იმ საწყალ გოგოს ცრემლსაც გიტოვებ,ჩემს მოლოდინში დღემდე რომ ტირის.დანარჩენს ალბათ ნახავ თვითონვე:ნაცარს დამწვარი ჩიტის და სტვირის.
ნახავ გალეულ კალამს და ვარსკვლავს,თავზე რომ ედგა ჩემს ხრიოკ მინდვრებს...და თუ ანდერძი კაცს მართლა არ კლავს,ჯერ ნურც შენ მომკლავ... მამყოფე კიდევ.
1974
ჭილაძე ოთარ

ჭილაძე ოთარ: სხვა ნაწარმოებები

მსგავსი ნაწარმოებები

დესპანი