↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ძველი მცხეთა

ჩიქოვანი სიმონ

2016-09-121 წთ საკითხავი4916 ნახვა

—
ძველი მცხეთა, საქართველოს ფუძე,მე ვარ მისი გაზაფხულის როშარი.შევეთვისე გულით დავიფურცლე,შრიალებენ ვარდები და შროშანი.
პირველ ქართველს აქ დაუკრავს ბარი,მოხვევია ვენახი და ასული.აქვე მზრდიდა გამრჯე წინაპარი,ჟანგიანი, ხავსიანი წარსული.
მეც ავანთე მომღერალი ცეცხლი,პაპამ პეშვით მომიტანა ღადარი,სად გაქმრალა კერა დანაკვერცხალი,პირველქმნილი ჩემი კვამლი სად არი?
მოიძებნეთ, არ გახრწნილა ნეშტი,გამოცოცხლდა სხვეტიცხოვლის მირონით,ტერფი დაგვრჩა ქვებზე ანაბეჭდი,არმაზიდან ირმებივით ვყვიროდით.
კერა გვენთო დაბლობში და მთაში,გრძელი ჟამი გამოვცურეთ მხარულით.სამარეში სუნთქავს პიტიახში,მიწით მესმის იარაღის ჟღარუნი.
ქარიშხალშიც მეც გადავრჩი ერთი,როგორც ქვაზე გამოთლილი ყურძენი.მცხეთა არის ჩემი დედულეთი,არ დამჭკნარა მისი ვაზის ფურცელი.
არ დამშრალა მოჩხუბარი მტკვარი,საქართველოს მთების ცრემლი მცირედი.მე ვარ მისი ძველი მეგობარი,არმაზიდან მომყვირალი ირემი.
1941
ჩიქოვანი სიმონ

ჩიქოვანი სიმონ: სხვა ნაწარმოებები

მსგავსი ნაწარმოებები

დესპანი