↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ხმა სამარიდამ

ვაჟა-ფშაველა 1861–1915

2015-05-131 წთ საკითხავი10824 ნახვა

—
ხმალი გალესე, ძმობილო,მტერი გადმოდგა მთაზედა:აგვიოხრებენ ქვეყანას,დაგვეცემიან თავზედა.გალესე, ისე გალესე,პირს იკიდებდეს თმაზედა.მადლია, კიდევ ეღირსოსგორდას მტრის სისხლი ფხაზედა!აგერ მოდიან წყეულნიმწყობრად, უშიშრად გზაზედა.საცაა, თოფი იჭექებს,კვამლი შაჯდება კვამლზედა...აგვიოხრებენ ქვეყანას,დას ატირებენ ძმაზედა!..გალესე, კარგად გალესე,არ ილეოდეს ძვალზედა.უფლის კურთხევა ანთიასამშობლოს მცველის ფარზედა...თამარ-დედოფლის ნაკოცნიბეჭდად უსვია ხმალზედა.მხნედ იყავ, ძმაო, ნუ ჰკრთები,ნეტავ ყოყმანობ რაზედა?ერთხელ სჯობია სიკვდილიშავს ყოფნას ქვეყანაზედა!
1893 წ.
ვაჟა-ფშაველა

ვაჟა-ფშაველა: სხვა ნაწარმოებები

მსგავსი ნაწარმოებები

დესპანი