↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

პოეტი-პოეტს

სადღობელაშვილი ნინო

2026-07-181 წთ საკითხავი1848 ნახვა

—
სადა ხარ ახლა.. გამიტკბილდა ჩაიში თოვლი,თეთრი ნემსები გამოისხეს ქოთნის იებმა.სავარცხლით მაჯებს გადაიხსნის ხვალ შენი ცოლიდა ღრუბლის ცხენებს საიქიოს კარზე მიაბამს.
გვინდოდა ყოფნა.. სასწაული გამონაგონი,ცის ნამცეცებით ვაპურებდით ციცქნა ბეღურებს.მხრებზე მოვისხი ძველი სევდა_დედის ნაქონიდა შვილებს თავზე ვერხვის ჭერად გადავეხურე.
ესე გირჩიეს მოლაპლაპე შენმა სიზმრებმა?..შემოგაპარეს მარტოსული თავისი თავი.მერე ლექსები დამიშინე ელდის ისრებად,ქვეყანას მოსდე დასაწყევლი ჩვენი ამბავი..
სადა ხარ ახლა.. ბილიკები რომლები მოვლედა ცალი ცრემლით შეგიფარეს ვისმა ღაწვებმა?!სავარცხლით მაჯებს გადაიხსნის ხვალ შენი ცოლიდა მოელვარე სამელნეში შვებით ჩაწვება.

სადღობელაშვილი ნინო: სხვა ნაწარმოებები

მსგავსი ნაწარმოებები

დესპანი