↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

რა დროს პოეზიაა?

სტურუა ლია

2013-05-121 წთ საკითხავი18606 ნახვა

—
როგორ გათავდა გულჩვილობა და სიძლიერე,
ვარდის ბუჩქები გადაიქცნენ მავთულხლართებად,
ქონდრის კაცებიც გადაშენდნენ, გოლიათებიც,
დარჩა ქვეყანა, საშუალო და ზომიერი.
აღარც იერი საკუთარი, შიში და თალხი
და ერთი აზრი, მკრეხელური, გონებას მიბნევს:
მზემ რომ გახვრიტოს ყურის აპკი და თვალის ლიბრი
და გაურყვნელი კულტურისგან, მარტივი ხალხი,
ალაპარაკდეს თეთრი ლექსით, გაზომოს ბედი
იმ ელინური სისავსიდან ჩვენს ნაკლულ დღემდე,
გულში სინათლეს დაელოდოს, სულის მოფენას!
მაგრამ თავს იკლავს პოეზია უარყოფილი
და აღარ ვიცი, მესიზმრება თუ ცხადში ვხედავ _
მოფრინავს ჩიტი და მეცნობა მისი პროფილი...

სტურუა ლია: სხვა ნაწარმოებები

მსგავსი ნაწარმოებები

დესპანი