↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დავიღალე

სტურუა ლია

2013-05-121 წთ საკითხავი18615 ნახვა

—
დავიღალე,
გახამებულ ყელს ნიკაპამდე
ვეღარ ვიწევ, რბილდება,
ჯინსებზე ჩასაცმელი ხდება,
სხვების დასანახ ცხოვრებაში
ფოტოგამოფენას ვტოვებ,
იქ ყველაფერია: შავ-თეთრი ეტიკეტი,
მარგალიტები, ღიმილი, რომლისთვისაც
ჯერ ხელი არ ჩამომისვამს,
მიკერძოებული მაყურებელი მყავს,
სუფთა შუბლებით მიტევს,
ტაბულა რაზებით,
ხელნაწერები აქეთ მკითხულობენ:
პირდაპირ შუბლში კორექტურა
და მორჩა...
სადღაც ჩემთვის ლეღვის ხე
შაქრდება და შაქრდება,
ბუნებრივად, ძალდაუტანებლად,
და არ იცის, რომ სამოთხეა...

სტურუა ლია: სხვა ნაწარმოებები

მსგავსი ნაწარმოებები

დესპანი