↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

დამარცხება

სტურუა ლია

2013-05-121 წთ საკითხავი18608 ნახვა

—
ჩამოხვედი, სულ ორი დღის
ზღვა ჩამოიტანე თვალებით,
ვინც ყველაზე ტკბილად გელაპარაკებოდა,
გამოწუწნულ ფიჭას დაემგვანა,
კი არაფერი უჭირს,
თავისუფალი მზერებით
შეივსებს თეძოებს,
სტრიქონები დაუსივდება,
იმ ორი დღის ზღვასაც
რომ წაგართმევს,
მხოლოდ პალმა იფრიალებს დროშასავით,
როცა მანქანები გადაუვლიან, გეტკინება,
როგორც რომელიმე ღვიძლი ან თირკმელი,
რაც შეგიძლია დამალო,
ან გარემოს შეაგუო,
დავარცხნილი ტემპერამენტივით,
მაგრამ დროშა რომ გეტკინება,
უკვე დამარცხებული ხარ.
თავს ფესვიანად იგლეჯ ტანიდან,
თმის ღერებისგან იშენებ სახლს
იმპროვიზაციის ნაყარ მიწაზე,
ყველასგან დავიწყებული,
ახლაც იქ ცხოვრობ.

სტურუა ლია: სხვა ნაწარმოებები

მსგავსი ნაწარმოებები

დესპანი