↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ვერშეგუება

სტურუა ლია

2013-05-121 წთ საკითხავი18611 ნახვა

—
გულზე ცხელ სათბურს თუ დაიდებ, კიბეზე ახვალ,
დაგრეხილ ხელებს კოკა წყალსაც გამოაყოლებ,
თვალებში თეთრად იტრიალებს ლანდი საწოლის
და დაიძინებ, თითქოს, რძეში ჩაალბე სახე.
რა მაგიური სიტყვა იყო, ოდესღაც “სახლი”,
ბლოკები შაქრის და მზეები კვერცხისგულების,
დაიშლებოდა, ზოგჯერ, შუქის მოლეკულებად,
დედის ლანდივით დაჯდებოდა სიზმრის მახლობლად.
მერე დამიდგა უსახლობა, უსართულობა,
პურსა და წვიმას ვყიდულობდი გაურთულებლად,
ჯიხურებიდან მოდიოდა ტკბილი მეწყერი
და ამშვენებდა ამ ქვეყანას, ვაჭრობით გართულს,
მე კი ვიცოდი, რომ ვერასდროს ვერ შევეწყობი
გაყიდულ წვიმებს, უნუგეშოდ შელანძღულ ქართულს...

სტურუა ლია: სხვა ნაწარმოებები

მსგავსი ნაწარმოებები

დესპანი