↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

იდეალური

სტურუა ლია

2013-05-121 წთ საკითხავი18611 ნახვა

—
მომბეზრდა ბროლი, ცივი თოვლი, რძის სათნოება,
უკვე ზაფხულის კანონებით მიდის თამაში,
მზესუმზირები ჩართულია მაღალ ძაბვაში
და ცის ნაკეცებს გულმოდგინედ აუთოებენ.
გათავდა ჩემი ბუნებისგან გაუცხოება,
ლივლივებს სიცხე, ვლაპარაკობ მაღალ თემებზე,
იდეალური შუქი მოაქვს პლატონს ჩემამდე
და როგორ მინდა, იმ უხსოვარ დროში ვცხოვრობდე!
ვუსმენდე ნაცნობ დიალოგებს, უკვე კლასიკას,
იყოს სიმართლე, უსასრულო და უასაკო,
მზე ყვავილს ჰგავდეს და არა სისხლს, ტვინში გაჟონილს,
იყოს ერთობა, მაგრამ, მაინც, განმარტოებით,
ჰაერის პირველ საფეხურზე იდგეს პლატონი,
იდეალისტი, ხოლო მიწას ჩვენ გვიტოვებდეს...

სტურუა ლია: სხვა ნაწარმოებები

მსგავსი ნაწარმოებები

დესპანი