↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ისევ მუსიკა

სტურუა ლია

2013-05-121 წთ საკითხავი18612 ნახვა

—
უცნაურია, როგორჰგვანან ნოტები ჩიტებს!
ხაზებზე სხედან, უყვართ სითბო და ზოგჯერ, ფრენა,
მათ შორის ქარი მეორდება, როგორც რეფრენი
და მავთულებზე გასაშრობად მუსიკას ჰკიდებს.
სისხლის წვიმიდან ამოსული, ცრემლების ზღვიდან,
თითისწვერებზე ადის, როგორც ხის კენწეროზე,
ვაშლის ყვავილებს ემგვანება, მაღალ წეროებს,
რომლებიც ჩვენთვის წვიმებსა და ბავშვებს ზიდავენ.
როგორ იკვრება მარმარილოს მსუბუქი თაღი,
სულის შებერვით, შედედებით რძის ან ნაღების?
თუ ვიოლინოს გასაღებით ზეცას უხსნიან,
რომელიც არის ერთი ლურჯი ოქტავით მაღლა,
საწყალ მიწაზე, ჟანგიანი ბანი რომ აღებს
და მშიერ ბაღებს ჩემი გულის სისხლი უსხიათ...

სტურუა ლია: სხვა ნაწარმოებები

მსგავსი ნაწარმოებები

დესპანი