↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ჭრელი სონეტი

სტურუა ლია

2013-05-121 წთ საკითხავი18610 ნახვა

—
ვერცხლის სურებში ჩამოასხან მაღალი სევდა,
არა ცხენი და არა ძაღლი, მსურს ვიყოლიო
მყივანა თავი ფარშავანგის და ჭრელი ბოლო,
ცივი და თბილი გამწარება შემეხოს ფერთა
და გახარებაც, დაიძაბოს, შეიკრას წრედი,
თვალებში ცეცხლი რაც მეგონა, იქცა ნათურად,
თანაც ფარშავანგს წამართმევენ მუხანათურად
ლოგიკის ცივი მთვარეები და კათედრები...
არა ლამაზი, აწონილი სიტყვა ხვედრი
ჩემი და შენი, ვიღაც გვლანძღავს, ვიღაცა გვისმენს,
ვიღაცას ჩემი ფარშავანგი დაადგა ყელზე,
ვერ მოინელებს და ამასაც დამაყვედრიან.
შენ კი არ მინდა გაგაკვირვო, მე ასე ვხედავ
და მეჩვენება, რომ მომიკვდა სიჭრელე ველთა...

სტურუა ლია: სხვა ნაწარმოებები

მსგავსი ნაწარმოებები

დესპანი