↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

თებერვალი

შატბერაშვილი გიორგი

2023-05-121 წთ საკითხავი13546 ნახვა

—
იხურება ზამთრის კარი,გაზაფხულის დაჰქრის ქარი,კიდევ ერთხელ მღერის გული:მოდის, მოდის გაზაფხული!
მოდის, მოდის გაზაფხული,თებერვალი სტვენს და ბერავს,ხეებს, ხელით გაწაფულით,მარტი, კაბას შეუკერავს.
ზოგან წითელ, ზოგან ყვითელ,ზოგან კიდევ ალისფერად -გააღვიძებს მძინარ კვრტებსვენახში თუ ჭალისპირად.
იხურება ზამთრის კარი,გაზაფხულის დაჰქრის ქარი,კიდევ ერთხელ მღერის გული:გაზაფხული, გაზაფხული!
გაცოცხლდება დღეს თუ ხვალენაბუდარი ძველისძველი,თავს ჩიორა დასტრიალებს,უკვე ჩადგა საძირკველი.
უკვე მოჩანს ბალავარიმოჭიკჭიკე ჩიტის ბუდის,
პაწაწინა გალავანით,ვით ქართული ბიჭის ქუდი.
იხურება ზამთრის კარი,გაზაფხულის დაჰქრის ქარი...კიდევ ერთხელ მღერის გული:მოდის, მოდის გაზაფხული!
1948 წ.
შატბერაშვილი გიორგი

შატბერაშვილი გიორგი: სხვა ნაწარმოებები

მსგავსი ნაწარმოებები

დესპანი