↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

*** "ვინაც გელოდა, შენ ის დატოვე"

გაბური ალექსანდრე

2026-07-181 წთ საკითხავი1209 ნახვა

—
ვინაც გელოდა, შენ ის დატოვე,ნანატრი მხარეც წყალს გაღმა დარჩა...ვინ გაპატიებს აქ სიმარტოვეს,დილის ძოწსა და საღამოს მარჯანს.მწუხრი გადახრის თვალების ავდარსდა უპასუხოდ ერთი დღეც წავა...ვინ დაგანებებს საკუთარ თავთან,საკუთარ ფიქრთან ყოფნას და დავას.საბედისწეროდ გაცდუნა მარტმა,კვნესს ნაზამთრალი ვნებების წყლული.არ დაგითმობენ მიამიტ ნატვრას,ღამის გუბეში ჩაქცეულ დუმილს.სიმართლე ხანჯლის პირებზე ელავს, _დასაბამიდან ეს ბედი დაგყვა.ვინ დაგამადლის სამ სიტყვა წყევლას,წყლის-ნათელ დღეთა ნუგეშად-ნაყვას.რისხვად მოიქცა ყურიც საწიერს.ვინ გაპატიებს საკუთარ რწმენას,საკუთარ ტკივილს ვინ გაპატიებს.არ შეგარჩენენ ყვავილთა ციმციმს,ფშანის პირებზე ჩრდილების დახრას.მე გითხარ... ახლა შენ თვითონ იცი _ისევ დარჩები, თუ მაინც წახვალ!.

გაბური ალექსანდრე: სხვა ნაწარმოებები

მსგავსი ნაწარმოებები

დესპანი