↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ანატომიური თეატრი

სტურუა ლია

2013-05-121 წთ საკითხავი18608 ნახვა

—
ერთი ფილტვის ჟანგბადი ამოგაჭრეს,
ქვეცნობიერიდან _ პორნოფილმების მასალა,
ე. წ. “გულის სიმები”
ფეხის ძარღვებით შეცვალეს,
თირკმელიც ხელს გააყოლეს,
ქირურგისთვის სულერთია
კენჭს ამოჭრის, თუ ემოციას...
რაღა დაგრჩა?
ნევროზი _ ტროის ცხენი,
მოშიებულზე რომ კონსერვის ქილასავით
გახსნი და იქიდან
დაწნილებული ბრინჯაოს მხედრები
ამოვარდებიან, მარმარილოს ხელები,
რომლებიც ცნობილ ქანდაკებას აკლია,
ისე ლამაზად მოგახრჩობენ
და ტკბილად, თითქოს
შაქარი გადაგცდა სასულეში...

სტურუა ლია: სხვა ნაწარმოებები

მსგავსი ნაწარმოებები

დესპანი