↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ამაოების სონეტი

სტურუა ლია

2013-05-121 წთ საკითხავი18615 ნახვა

—
ან ვის რა ვთხოვო, რა ვეძიო, ვიქნები ჩემთვის,
ზამთარი ზაფხულს ენაცვლება, მზე _ შემოდგომას,
პირის დაბანა, ჭამა, წოლა და ფეხზე დგომა,
ფართხალი, კრთომა, და მიგიღებს მდინარე ლეთა.
ერთფეროვნება გაქვავდება ფეროვან დღეთა,
ქარვაში მწერი, დალუქული, ვერ გაინძრევი,
იყვავილებენ ყაყაჩოთი შენი მინდვრები
და სისხლის ჭავლებს აასხამენ მაღლა, ღმერთამდე...
და ახლა შენს შვილს გააგიჟებს სამყაროს სევდა,
ერთნაირობა _ წოლა, ჯდომა და ფეხზე დგომა,
ათასში ერთხელ გაბრძოლება, გრძნობათა კრთომა
და გულგრილობა დააჩქარებს სიკვდილს კვეთივით.
სახლებში მიდის ცრუ და ბასრი სიტყვების ომი,
ო, რა შორია და უვალი გზები ღმერთამდე...

სტურუა ლია: სხვა ნაწარმოებები

მსგავსი ნაწარმოებები

დესპანი