↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ახალი ცხოვრება

სტურუა ლია

2013-05-121 წთ საკითხავი18620 ნახვა

—
რა გაეწყობა, გაიმყარე ნიღაბით ფესვი,
დაგმე ლექსები, აღარ სჯიან სიკვდილით ქალებს,
ოქროსფერია ჭორფლის პუდრი და ჩაის წყალი,
რაღა პირბადით გინდა მოკლა ცხოვრების წესი?
როცა აქვეა რეკვიზიტი, ხელშესახები _
თავში კეტივით ალისფერი მარშების აცმა,
როგორც ზაფრანა ეწირება წუთიერ საჭმელს,
ისე ჩამარხეს ყვავილებში შენი სახელი...
ყველა ნაცნობი, კიდევ უფრო, თანამზრახველი
ზოგი მკვდარია, ზოგი ფეხქვეშ გათელილია,
ვიღაცამ წიგნი ვერ გაყიდა, გიჟად შერაცხეს,
ძველი თიხიდან მოიზილა რასა ახალი,
რომელსაც ლაფში ავლებენ და დიდხანს რეცხავენ
და ჩემზე უფრო საცოდავი ჩემი შვილია...

სტურუა ლია: სხვა ნაწარმოებები

მსგავსი ნაწარმოებები

დესპანი