↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

გაზაფხულის სონეტი

სტურუა ლია

2013-05-121 წთ საკითხავი18612 ნახვა

—
ყოველ გაზაფხულს მექავება და მახრჩობს ყელი,
ნუშივით გრძელი ანგინები მაიძულებენ,
რომ ყველა სიტყვა, მეყვარება, თუ მეძულება,
მტაცებელივით უნდა მქონდეს მკაცრი და მჭრელი,
ღრძილების ბაღში გაბნეული თეთრი გულები _
კბილები უნდა დავაჭირო გალექსილ ენას,
ინტელიგენტის ქალაქურად გამცხრალი გენით
ხიფათს და ტკივილს მოველოდე გაზაფხულისგან...
მაგრამ რა ვუყო მიწის ყივილს, შავსა და ქვენას,
ან ფრთიან ცხენებს, მანქანებში ჩალითონებულს,
თავში და ყურში ხეთა რხევას, ანუ მენიერს?
როგორ დავკარგეთ დიდხანს, ტკბილად ცხოვრების გემო,
კერაზე _ ცეცხლი, სიმღერებში _ ვარდის კონები,
და უკვე აღარ ვემონებით სიტყვას მშვენიერს...

სტურუა ლია: სხვა ნაწარმოებები

მსგავსი ნაწარმოებები

დესპანი