↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

გაკაწრული სონეტი

სტურუა ლია

2013-05-121 წთ საკითხავი18609 ნახვა

—
მე მუდამ ვცდილობ, არ გავკაწრო ვიღაცის თვალი,
ჩემი წანწალი შევარბილო, შევამკო გეზით
და, ვცდილობ, თმებით არ ვეკიდო ცაზე და ხეზე,
როცა მიყურებს უამრავი კაცი და ქალი.
თითქოს, გარს მივლის გამჭვირვალე და გლუვი წყალი,
ტვინის ნაოჭი არ აფუჭებს, სინდისის ღრმული,
ჩემი სიცოცხლე მისთვის არის სტიქია მტრული,
სხვანაირობით დაღდასმული, გაუგებარი.
რა ვქნა, მე მტრებად ვერ დავსახე სიტყვა და პური
და მშრომელია პურზე ფიქრი, მძიმე, მაძღარი,
სიტყვა კი _ წუთი მშვენიერი და არამყარი,
თანაც ზაფრანას ყვავილები რეტიან თავზე;
მაგრამ ვის უნდა პაწაწინა ზეიმი თვალის,
თუ ფიანდაზებს დაუფენენ გატკეპნილ გზაზე...

სტურუა ლია: სხვა ნაწარმოებები

მსგავსი ნაწარმოებები

დესპანი