↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

მეცამეტე სართული

სტურუა ლია

2013-05-121 წთ საკითხავი18611 ნახვა

—
“რა მაღლა ცხოვრობთ!” და ირიბად დავამატებდი,
ცაზე ვკიდივარ თვალსაჩინო მაგალითივით,
როგორ არ უნდა გაგიჟდე და კიბეს მისთხოვდე,
რეცხო და ხარშო, მაგრამ ბნელში არ ანათებდე.
არ იგონებდე სიტყვებს, სკამში სულს არ ხედავდე,
გენატრებოდეს ჩვეულებრივ ქუჩაში გავლა
და არა წყალზე, თორემ ისე გაგივა ყავლი,
რომ ჩაქვავდები სარკეების ოთხკუთხედებში.
სადმე, კედელზე დაგკიდებენ, ისევ, ირიბად,
თმაში ლურსმნები ამოგივა, როგორც ეკლები
მაგრამ მზერაც თუ გადმოვარდა ოქროს ჩარჩოდან,
დანით მოგჭრიან, დაგირგავენ ფონში ტირიფებს,
თვალი კი წავა, გზაზე მერცხალს გადაეყრება,
შენს სურათს ცაში წაიღებენ და გადარჩები...

სტურუა ლია: სხვა ნაწარმოებები

მსგავსი ნაწარმოებები

დესპანი