↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ნატვრა

სტურუა ლია

2013-05-121 წთ საკითხავი18611 ნახვა

—
ნეტავი, დამსვა ოქროსფერი დღის შუაგულში
არც მსხვერპლი და არც გამკითხავი, არამედ მჭვრეტი,
არ მჭირდეს დროის უკმარობა, ფრჩხილების კვნეტა,
ქაფურის წვეთით ჩახშობილი ტკივილი ყურში,
ტელეფონებით, დეპეშებით, კარებზე ზარით
გამოწვეული, გაზომილი მკაცრი საათით,
დრო დამდიოდეს ჰაერივით ლურჯად, ტაატით,
ზანტად, ძალიან მდედრობითად მიყვარდეს მთვარე...
კეთილშობილი რაინდები მხიბლავდნენ მწარედ,
თავისი ყოვლის გამთიშავი, ძლიერი გონით,
მაგრამ ვერაფრით ვერ აღწევდნენ იმ ჰარმონიას.
რომელიც ჩემი ყვავილია და ჩემი ჯვარი
და მე არ მინდა ფუფუნება ამაზე მეტი -
ოქროსფერი დღის შუაგულში ვიჯდე და ვჭვრეტდე...

სტურუა ლია: სხვა ნაწარმოებები

მსგავსი ნაწარმოებები

დესპანი