↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ნოსტალგიური სონეტი

სტურუა ლია

2013-05-121 წთ საკითხავი18607 ნახვა

—
რას ვინატრებდი? დაბრუნებას ოცი წლით უკან,
თავით მყინვარწვერს რომ აწყდები, ფეხებით ვაკეს,
ტკბილი რძეებით რომ არიან ძროხები მაკე,
თაფლი რომ ნიშნავს ყვავილების ყვითელ ბუტკოებს,
იქით რომ წახვალ, სადაც ქარი მიგერეკება
და უმიზეზოდ შეიყვარებ ვიღაცას ისე,
თითქოს, გაჯობა, მოგიღრიცა კისერი მზისკენ,
სულ სხვა, ახალი, გამოგიღო თავის ნეკნიდან.
ხომ ვერ იფიქრებ, ამ სიახლეს რამე თუ შეცვლის,
ფერს გაუმუქებს, ფრჩხილებივით დააძრობს ხორკლებს,
ვიღაცა მოვა და გაითბობს ხელებს იმ ცეცხლზე,
რომელიც წვავდა, ბატონობდა, ხანძარს თესავდა,
ვიღაცა მოვა და დამადებს სიმშვიდის ბორკილს
და მყუდროების სასარგებლოდ გაილექსება...

სტურუა ლია: სხვა ნაწარმოებები

მსგავსი ნაწარმოებები

დესპანი