↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

რომანტიკის გარეშე

სტურუა ლია

2013-05-121 წთ საკითხავი18609 ნახვა

—
როგორ მიყვარდა სიარული ჟანგისფერ ხავსზე!
როგორ მათბობდა ბლომად მზე და სულ ცოტა ჩრდილი,
როცა ფინჯანში ჩაის ოქრო დნებოდა ტკბილად
და იყო მიწა დაბეჟილი ვაშლებით სავსე...
მე არ ვფიქრობდი არაფერზე, ნელ-ნელა თავში
მზე შედიოდა და არღვევდა ტვინის ზეობას,
თავზე მოხვეულ კომპლექსებს და მოვალეობას
და მახსენებდა ბუნებასთან გაწყვეტილ კავშირს...
ნორმალურ მშობლებს არ უჩნდებათ ფრთიანი ბავშვი,
ხორცი რომ ცვივა, ეფანტება თითები ქარში
რა რჩება მისგან არაფერი _ ვარდი კორსეტზე.
მაგრამ ის უნდა ჰყვარებოდა ორლესულ დანას -
რაინდს, რომელმაც სამუდამოდ დააგვიანა
და რომანტიკას იისფერი მკერდი მოკვეთეს...

სტურუა ლია: სხვა ნაწარმოებები

მსგავსი ნაწარმოებები

დესპანი