↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

ქვეტექსტის ბინდი

სტურუა ლია

2013-05-121 წთ საკითხავი18607 ნახვა

—
“ის, მაინც ბრუნავს!” და ამ ბრუნვას გაუთავებელს,
ძრავამ უმტყუნა, ატრიალებს ბედის ბორბალი,
მოკვდა სიმშვიდე, დავემგვანე ნამდვილ მორბენალს,
გზის ნაფლეთები რომ ამოაქვს, ლამის, თავიდან,
ლიმონის ბაღებს მოარხევენ მჟავე პირებით,
მდიეს და მდიეს, მომისაჯეს გამჭვირვალება,
მე კი მერჩია უძრაობა ჭიქა წყალივით,
ულოგიკობა, ფორმულისგან განაპირება,
ვიჯდე ჯეჯიმზე და ვსწავლობდე მზის გაკვეთილებს,
იყოს სიზანტე მშვენიერი, ქვეტექსტის ბინდი
იდოს სიტყვაში და ყვაოდეს ტოტები შინდის,
წამები გახდეს მეწამული, გამოკვეთილი
და თუ არ მოვკვდი, მერე დიდხანს ვიცხოვრებ მშვიდად,
როგორც კედელი სამკუთხედის, წრეში წერტილი...

სტურუა ლია: სხვა ნაწარმოებები

მსგავსი ნაწარმოებები

დესპანი