↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

შენა და ღამე ბეთანიისა

ალავერდაშვილი ლევან

2026-07-181 წთ საკითხავი2458 ნახვა

—
გეტყვი მშვიდობით, მერე დაგტოვებ,ოღონდ სურნელი შეგრჩეთ იისა,ოღონდ ავსებდეთ ჩემს სიმარტოვეს -შენა და ღამე ბეთანიისა.გეტყვი, წუთები შენით ნაფერნი,როცა აშვებულ რაშებად ჰქრიან,რა გვიანაა სუყველაფერი,და არაფერი არაა გვიან.გეტყვი საუფლოს ღრმა დარბაზებშიხატად მოვძებნი შენს ძვირფას სახეს,სისხლისფერ ვარდებს დავყრი ბაღებშიდა ლექსებს - შენი თითებით ნახებს...გეტყვი ნუ მოხვალ! მაგრამ რისათვის?!უკვდავ მოლოდინს მაინც გპირდები,და იმ ლამაზი წყენებისათვისხელში ბავშვივით აგიტირდები.გეტყვი, დემონურ წარსულს მათოვებს -ნამი - უშენოდ მორცხვი იისა...ნუ მიმატოვებთ! ნუ მიმატოვებთ! -შენა და მწუხრი ბეთანიისა.გეტყვი, შვებაა შენს ხელში კვდომა,და რომ, შენს შხამსაც ტკბილი აქვს გემო,ღმერთმა შეგინდოს ცოდვა - შეცდომა,მოურჩენელო ტკივილო ჩემო.გეტყვი, დამთავრდა! ეხლა მშვიდობით,ოღონდ სურნელი შეგრჩეთ იისა,ოღონდ ნუ მომკლავთ უამინდობით,შენა და ღამე ბეთანიისა.
ალავერდაშვილი ლევან

ალავერდაშვილი ლევან: სხვა ნაწარმოებები

მსგავსი ნაწარმოებები

დესპანი