↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

თუ ჩემი სული დაბრუნდება ასი წლის შემდეგ

სტურუა ლია

2013-05-121 წთ საკითხავი18608 ნახვა

—
თუ ჩემი სული დაბრუნდება ასი წლის შემდეგ,
ის არ იქნება მიწა ან წვიმა,
ის არ გადავა არც ერთ ქალში,
რომელიც მე მგავს,
და არც ერთ კაცში,
რომელიც უყვართ ბრმად და მწარედ
ჩემნაირ ქალებს.
ის არ გადავა არც ცხენებში ან არწივებში,
რომელთა ხილვა
არ მასვენებდა მთელი სიცოცხლე...
თუ ჩემი სული დაბრუნდება ასი წლის შემდეგ,
ის ჩასახლდება
აკანკალებულ და თბილ კურდღელში,
რომელიც ყვირის, როგორც კაცი,
როდესაც კლავენ...

სტურუა ლია: სხვა ნაწარმოებები

მსგავსი ნაწარმოებები

დესპანი