↔
დესპანი
შენ სამშობლოში შენი ოჯახის დესპანი უნდა იყო და სამშობლოს გარეთ - შენი ერის დესპანი,
რადგან შენი საქციელი შინ, შენი ოჯახის სახეა და გარეთ - შენი ერის! ...
ჭაბუა ამირეჯიბი - "დათა თუთაშხია"

პოეზია · ლირიკა

მშობლიურ ნეკნებზე

სტურუა ლია

2013-05-121 წთ საკითხავი18605 ნახვა

—
ასტკივდა ნეკნი, აღარ ეყო ჩემთვის მასალა,
სამოთხის ბაღში რას იპოვი, აგურისმაგვარს?
ვაშლი და ვარდი შეურია მწარე სამსალას
და ღვინის ჭიქით არარსებულ სუფრაზე დამდგა.
მე რა ვიცოდი, მაშინ, რწმენა და სათნოება,
არც სამოსელი არ გამაჩნდა და არც სახელი,
მარტო მინდოდა, იმ კაცს ეგრძნო ნეკნის ნახევრით,
რა სასჯელია უჩემობა და მარტოობა,
როდესაც ფრთხილად ატარებდნენ ცისფერ ბალახზე,
და ეშინოდათ, არ შეეშვა მთვარე თვალებში,
როცა ფიქრობდნენ მის მაგივრად, ართმევდნენ ნებას,
ალბათ, ამიტომ შემეცოდა და დავანახე
ცოდვილი მიწა, ლურჯი ღამე, თეთრი ბალიში
და ხე, რომელსაც ოქროსფერი ვაშლები ება...

სტურუა ლია: სხვა ნაწარმოებები

მსგავსი ნაწარმოებები

დესპანი